متى على الله نمشي البر يا سعود/بقلم وليدالبسطي

الإستقبال

عبق الياسمين

الشعر العامي

الأربعاء, 18 كانون2/يناير 2012 09:32 الشعر العامي

متى على الله نمشي البر يا سعود
النفس ضاقت من جلوس المدينة

أبي أسلي خاطر ٍ ضايق بزود
أمن الهموم اللي أجمعتها سنينه

ترى مجالس هالزمن مابها فود
لاصرت بين أهل النفوس اللعينه

قال ٍ وقيل وأهلها تدبل أكبود
وشتم ٍ وغيبه في عروض أخرينه

في جلسة الواشين لاتكثر أقعود
تراك من أهل العقول الرزينه

نبي الفياض اللي بها الصيد موجود
صوب الحفر نمشي إلى أطراف لينه

مع رجال ٍ طيبهم دوم مشهود
عسى المنايا مع عداهم قرينه

محمد البندر ونايف مع حمود
ياسعد من كان الطواله عوينه

وإلا النماصي كفه بخير ممدود
الجود طبعه والكرم في يمينه

شمر إلى حدك زمانك على الكود
تفزع ولو دونك بحور وسفينه

وصلاة ربي عد ماهبت النود
على محمد خير مبعوث فينه

وليدالبسطي